Geschichte

D`Stedtlihüpfer Story

Im Homer zieht bekanntlich d Fasnacht i, eso isches ou im 83-i gsi.

Zudere Zit hei mir noni gahnet, dass sich öppis nöis abahnet.

Der Scheidi und es paar Sinnesgliche Het me gseh i Schlüssu ine schliche.
Bi Bier und Wy im Säli hinge Hei si zäme gstreckt ihri Gringe,
und dänkt, es müess jetz öppis loufe Süsch chön me de d Fasnacht gli verchoufe.

Mit Horn, Trompete, Schlagzüg und Posune Mache mir, dir wärdet stuune,
e Musig wo öich vo de Stüehl duet lüpfe, Wiedlisbacher dir wärdet schön erchlüpfe!

Aber! - Instrumänt verteile isch e schwirigi Sach.
We me dänkt, e kene isch vom Musigfach.

Do frogt eine: ,,Was spiusch du, du und du?" Und die Instrumänt si vertöut im Nu!

Im Giufu si mir schnäu uf 'Wange gsprunge,
wöu mir süsch niene hei es Kostüm gfunge.

So isches gsi vor 27 Johre, i dere Zit si d Stedtlihüpfer gebore.

Am Afang het's, mir wüsses scho, so tönt aus chönt nie e Gugge drus entstoh.
Aber spöter de nach paarne Johre, het d Musig afo gfaue i de Ohre.

So, jetz höri uf, i bi ke Schnori - Das isch se gsi die Hüpfer- Story!